“Nemo propheta in patria”. E’ un’affermazione che nella maggioranza dei casi trova riscontro con la realtà e Rosa Balistreri ne è una lampante conferma. In vita infatti la nostra “Cuntastorie” è stata poco apprezzata dai suoi concittadini e a distanza di più di 20 anni dalla sua morte i licatesi non riusciamo ancora ad amarla e rispettarla come meriterebbe. Per il suo ottantesimo compleanno scrissi una poesia in suo onore che oltre che ad essere un omaggio alla nostra artista vuole anche essere un canto di augurio e di speranza affinché Licata possa davvero imparare ad amare questa nostra straordinaria concittadina conosciuta ormai in tutto il mondo, che sta tenendo alta la bandiera della Sicilia e quella della città di Licata.
U CUNTU DI ROSA
Nu riuni da Marina, a Port’Annesa,
tra miseria e tantissima umiltà,
dintra na casa vascia di na stanza
nasciava Rosa ottant’anni fà.
A mala sorti ca Rosa aviva n’coddu
un ci ficia di sicuru cumplimenti,
fina o puntu ca fu ciamata Rosa
e poi di rosa na vita unn’ebba nenti. Cu tutti quanti i guai ca Rosa vitta
pi tempi, pi scarsizzi e i familiari,
sulu un coluri ciu nivuru da pici
è l’unicu ca si ci pò appattari .
Fu u nivuru di stenti e i sacrifici
e puru chiddu da fami e da sbintura,
pirchì Rosa di dintra era diversa
e aviva na caterva di culura. Aviva u russu focu da passioni,
u biancu, ca vo diri fratellanza,
aviva azzurru comu u cielu e u mari,
u giallu gilusia e u virdi da spiranza.
A spiranza ca Rosa aviva d’intra
era na voglia pazza di cantari,
pi chissu si dicisa a un certu puntu
di mullari stu paisi e di scappari. Prima a Palermu, e poi a Firenzi
comu na dispirata e senza un lazzu,
si nn’ia sula in cerca di furtuna
libirannusi vidè di Iachinazzu.
Doppu vint’anni arritornà a Palermu
e canuscia pirsuni assai mpurtanti,
foru i Buttitta i Sciascia ed i Guttusu
ca ci dettiru u curaggiu d’iri avanti. E Rosa cantà cu tuttu u sciatu,
cantà u duluri, cantà a dispirazioni,
cantà a gioia, i guai, a sofferenza,
cantà a sò terra e tutta sò passioni.
Nuddu ha statu mai profeta in patria,
e Rosa sta cosa a suspittava,
a prova è ca u paisi da Licata
quann’era viva mancu a carculava. ROSA DICIVA :
Quannu ia moru cantati li me canti,
un vi scurdati, cantatili pi l’attri.
Quanu ia moru, pinsatimi ogni tantu,
ca pi sta terra, n’cruci, ia moru senza vuci.
Ammeci Rosa morta canta ancora
e cu na vuci ca o stessu un ci nni sunnu!!
Chi banneri da Sicilia e da Licata
ca sbintuliinu oramai ni tuttu u munnu. E allura oggi a nomi da Licata
pirdunu a Rosa ci vogliu addumannari,
sugnu sicuru ca Rosa ni pirduna
se di viva unn’ha seppimu apprizzari.
Su sidici anni ca Rosa ormai un c’è ciù
ma c’è a so vuci e c’è a so melodia.
Canta Rosa, canta sempri, un ti firmari,
canta cuntenta ca a Licata è pazza e tia.
